$1.2 Million Sengin A Hmangaih Chu Ni 123 A Fawrpui Dawn

Six Star Cruises antih nuamtawlna lawng chu ni 123 chhung an hman tur thu a chiang a. Mahse a hmangtuturte hming hi anla tar lo nge ka thulakna chauh hian a tar lo zawk erawh ka hre lo. Pic erawh an daha, mahse chumite anni han tih mai tur erawh ka hre lo. Pic-a kan hmuhte pahnih hian Six Star Cruises ( nuamtawlna lawng changkang ) chu kum 2021 November 11 atangin an hmang a nga, kum 2022 March 13 ah an chhuahsan chauh ang.

Ni 123 ah hian ram 11 tlawhhman tura ruahman niin chungzinga ram thenkhatte chu Sydney, Dubai, Tokyo, Bangkok, Hong Kong leh London te pawh an tel ani. Ni 123 chhung hian ram 11 an fang dawnna, an thlenna Hotel tur thlenga tihfel tawh ani. Kum 2022 March 13 ah chuan an rawn chhuahna London khawpuiah an kir leh dawn ani.

Ni 123 chhung $1.2 million chu ni khat tan $10,000 vel anga chhut ani. Kan hriat angin Luxury Cruises Company Six Star Cruises lawng chu a changkang hle a. Duh leh duh inkara hmangaihna han chendunna atan chuan a baka thlan tur dang awmchuang lo tluk ani. Tuipui chungah leng delh delh chungin thingpui an dawmdun anga, hmangaih thu inhlan mawlh mawlh chungin hlim lai par an tlan dawn ani.

Tiang dinhmun a dingte vanram suangtuah leh mizote vanram suangtuah chu an in ang lo hle in ka ring ani. Khawvel mawina zawng zawng hmuh an tum dawnna, a nawmna zawng zawng tem vek an tum dawn tihna ani. Khawvela ram mawi leh nuam thlan chhuah bikte an tlawh dawnna. A karlakah lawng nuam takah an thlawk delh delh reng bawk dawn ani.

Hmangaihna inkar hi sawifiah theihloh khawp a thuk leh zau, sang si a ni a. Mahse alo pianchhuah dan erawh a in ang vek lo tih erawh a chiang ani. Hmel vang te, nungchang vangte, neih thil vangte anni a. A pawimawh laiber chu ziktluak sela tihhi ani. Engvang pawhin hmangaihna lo piang sela, chuchuan a tawp thlenpui sela, chu chu a tha a ni mai. Insider

Be the first to comment

Leave a Reply

Your email address will not be published.


*