A Fanute Ruangah A Nu In Mi A Bang Nawn Lo

A fanute kum 3 mi duhumzet cu vansiatah mawtaw in a ttaih ngah ruangah a thi. Cuhnu cu a nu in a fanute ihnak khaan sung a feh ngam nawn lo. A fanute thlâ hmu aw ttheu in a thei, a lung a hman nawn lo, a umdan khal a hman nawn lo. Curuangah an inn cu tanta in hmun dangah an umphah a si.

Australia ramah Amanda Furner timi nu leh a fanu kum mi Charlotter Smithers cu October 14 ah Amanda mawng mi SUV Car in a ttaih ngah. Hi mawtaw ( SUV ) hi naute nu Amanda ih ra mawn mi a si. A fanute cu Mu Cu tlawng in a hmuak, sinan vansiatnak rapthlak zet a thleng tariai.

Amanda cun a fanute hmuak dingin a fale pathum thawn SUV Car in an pawk, a fanute Mu Cu tlawng an thleng, mawtaw retnak an thlen hnuah Amanda cu mawtaw in a suak, a fanute khal mawtaw sung a lut rih lo. Rinloh pi in an mawtaw cu dung a ra sauh ngah, cutin a fanute leh amah ( naute nu ) cu mawtaw in a ttaih.

A nu ( Amanda ) khal cu a ttaih ngah ve nan a nu cu a thi lo, a fanute cu a hmunah a thi cih. Cutikah Amanda cu a thin naatuk cu lungmit in a um, sizung an thlenpi hnuah a harh sal. Sinan a fanute cu a rak thi ngai ngai, ziangtin ti ngaihnak a umnawn lo.

Cuhnu cu a nu ( Amanda ) cun mi a bang ngai ngai thei nawn lo, a fanute ihnak room khal a lut ngam nawn lo. Hi vansiatnak ruangah online lam khalah bawmtu ding an hawl sak rori ko. Bawmtu khal an um, doctor pawl in Amanda cu hmun dangah umpi sehla a harhsel thei ding an tih ruangah tuah hin hmun dangah umdingin an tawlrel rero lai tih a si. International News

Be the first to comment

Leave a Reply

Your email address will not be published.


*