A Pa in Phone hman a kham ruangah kum 19 fala thihsi in ih thi

Shwebo khawpi ih sungkua pakhat cu, Phone hmanglo dingin an Pa bikin a sim hai ih, a falepawl phone hmanglo dingih a kham ruangah Nunau pakhat cu thihsi in tahrat in amah le mah a that-aw, tiah Sagain ramṭhen palik bawi pakhat cun a sim.

 

Thihsi intu nunau tei’ sungkua hi Shwebo khua ih ahmat 5 pengih um an si ih, kum 19 mi hrawng a si. A Pa in a kok ih phone hmang nawnlo dingih a kham ruangah, putatsi, natsawknak le tanphaza ti pawl a rawikhawm ih cumi cu a in, zan nazi 9 hrawngah Shwebo ih General hospital ah an fehpi cih nan, sizung an thlen hlan ah a thi, tiah palik bawi cun a sim.

 

Hivek thuthang hi theih dah lemlo mi a si tlun ah, danglam zet ve a si. Pa lole Nu thawn thukam ih toawk ruangah mah le mah that-awk tivek u a um hnuaihni nan, Phone hmangterlo ruangih thihsi in timi cu thuthang danglam zet a si.