A sungah Satan a um a si tin Roman Catholic Priest in nauhak cu Ti sungah a hnim; VIDEO

Tufang social media ih laar zetmi Raman Catholic puithiam (priest) pakhat in nauhak baptisma a peknak ah Ti sungih veikhat hnim dingmi cu vei thum rori a hnim mi in mipi tampi ih sawisel a hlawh ih, cu rualrual in nauhak ih nulepa khal an mawhthluk nasa. Himi baptisma pek lai ah hin nauhak ih nulepa cu an kiangte ah an rak um ve ko.

Hi thil a cannak hmun hi Russiaram Yessentuki ih St George Convent ah a si. Nauhakpawl baptisma peknak an neiih, himi Video ih kan hmuhmi nauhak baptisma a pek lai ah nauhak hi a ṭap rero.Ti sungah veikhat lawng hnim ding a si nan, a ṭap ruangah, puithiam (priest) pahin nauhak cu “a sungah satan a um a si hi” tiin vei hnih rori a hnim bet.

Hi nauhak hi kum 2 mi a si ih, a Nulepa in baptisma co ve dingin hitawk hmun ih an rak hruaimi a si. Nauhak ih Nu cun “Ka fanu hi kum 2 ih upa a si. Puithiam (priest) a hmuh veten a ṭih ih ban hna thiam loin a ṭap ciamco. Biakinn ih kan fehpi a veikhat nak a si”, tiah a sim.

Hi thu ah mi tampi in an sawiselih Nauhak ih Nulepa an mawhthluk, mi ṭhen in puithiam (priest) an mawhthluk ve.Ṭhen khat comment nak tla cu siar nuam lo zetzet a tel. “Hi puithiam (pries) pahi Kawhhran hnaṭuan maw a si, Satan hnaṭuan so a si?” ti tla in an comment.Video rak zoh ve hnik aw le, nangteh ziangtin na ruat?

Video;

Video a lang theilo pang asile, screen parah hmet awla a langcih mei ding.