A tlangvalpa a hmai ih a khukbil duh lo ruangah mipi lakah bawngbi hlit tu fala; VIDEO

Fala le tlangval lai ah hin atlangpi thu in Tlangval pawl hnakin Falapawl in an duhmi tlangval hi an mawng sawn ih an nehsawh sawn ṭheu. Mipa (Tlangval) cun mai’ duhmi fala cu an duat zet sawn ṭheu ih hmuhsuam le nehsawh hnakin an duat in an duh an zulh sawn ṭheu. Cutik ah nunau (fala) tampi in a ṭhalo zawngin la tahrat in I duh tuk, I ṭhen theilo ding tivek lungput nei in an tlangval an dekcawk in an nehsawh zet ṭheu.

 

China ram ih laar zet, Shanghai’ Subway (mipi vangtlang tomi Tlangleng) sungih mipi ziangmaw zat lakah fala le tlangval tuak khat cu, Fala in a tlangvalpa cu a hmai ih kun ter ṭeuṭeu a tum, asinan a tlangval khal cu san le vang um silo cun a kun duh ve mei lo. Cutin fala sawn in a tlangval a hmai ih a kun duhlo ruangah mipi lak rori ah a bawngbi hruh laimi a phawih ih a tlangval a som ter.

 

Fala cun “ka hmai ih na khuk na bil lo asile hitin ka um ringring ding, asinan ka hmai ih na khuk na bil asi ahcun a ṭheh si mei, bil mei aw” tiah hramhram in a forh ciamco. A tlangval cu ningzak nawn ten, hmai tuamnak hrukin tonak ah a to men. Fala cu a samcai ciamco.

 

Falanu cu mualpho zetin mipi lakah a bawngbi phoih pi thawn a ding pengpeng ih a au bohbo ciamco. Tawkfang a rei hnu ah, mipa thinlung picang le khawruahnak nei tam deuh cingcing tiah, a tlangvalpa cu a vung kun ih ṭhaten a vun bia, cuhnu lawngah tonak ah a to ih, an ṭha thei sal.

 

Ningzah I hnekin fala cu tonak ih a to veten Phone a tham ciamco ih, zohman ziang siarlo in a umsan men. Hivek nunau pakhat ruangah hin nunau tampi sinak a ti niam sinsin. Hi Video hi tufang China ramsung Social media ih laar zet a si.

 

Video rak zoh ve aw le. 😛