AA Pawlin Santhar Thiamnak Hmangin Kawl Ralkap Do An Tum

AA kan ti mai Rakhine (revolutionary army), Arakan Army pawl hi an awl lo ding. Kawlram cozah hnakin an fim sawn cun thil a buaithlak zet ding. India cozah ṭhauh-hlan-yi pawlin an cozah hnenih report an peknak ah AA hriamnam kai pawlin Kawlram cozah ralkap pawl cu santhar thiamnak, Bluetooth le Wi-Fi technology pawl hmangih pal puah bomb kam in an do tum tiah report an peknakah an rel tel. Hi thu hi India ram Mumbai ih um TNA news in a relmi a si.

AA hriamnam kai pawl hi tu ah hin Mizoram Lawngtlai District sungah bu an khuar ih Kaladan tiva hmangih India-Myanmar pehtlaihawknak ding tla an hring hro rero tiah thu thang cun a rel. Kaladan project hi India cozah-in South East Asia lamih pursumnak a tuah tumnak lamzin pi bik pakhat ih a hman tummi a si. Curuangah AA pawl, India ram sungih an cangvaih dan hi ṭhauh-hlan-yi pawl cun an zoh nasa.

Santhar thiamnak hman a ṭul vivo ruangah Myanmar cozah khal IT le technology lamah a ṭhanso lo ahcun tlangpar hriamnam kai pawl hi a neh mai mai nawn lo ding. India thuthang latu pakhat Zee news agency in an rel dan cun Kawlram ralkap pawl khalin AA pawl ih pal puah bomb, santhar thiamnak hmangih an kam tummi pawl hi rak kham tumin technology thiamnak sang hmangih hna a ṭuan tum thu a rel ve. A zo sawn ha thiam sawn ke, ti a si thlang.

AA le hriamnam kai a phun phun do dingin India cozah cun kan dung February thla lam ihsi khan a hun cangvai ih, Myanmar thawi’ an ramri tluan ih hrianmam kai pawl tawmbuk 12 lai a siatsuah sak thluh. Asinan, Kaladan tiva tluan ih AA cangvaihnak cu tu tiang a um lai.

AA pawl hin Paletwa lilawn tuahnak dingih thir phurtu lawng cu kan dung thla ah khan an rak kap ih lawng mawngtu pawl tla an kai thluh. Asinan, leh hnu lamah an suah sal. San thar thiamnak hmangih cozah do an hun tum ngai ngai tikah cozah lam kha thiamnak sang hmangih a cangvaih a ṭul ti a fiang. Kawl ralkap kha hin AA pawl hi a duh vekin a nuai hlo thei hrih lo cu a si hi.

Ref: VoA

Be the first to comment

Leave a Reply

Your email address will not be published.


*