An Neihawknak Kum 5 a si zomi Nupinu cu a pasal rinumlo ruangah a ṭap ruangro

Keimah ihsi thokin kan Laimi Pacang siseh, Nupinu, fala, tlangval pawl hi, hivekin pakhat hnu pakhat hniksak vivo hnik sehla ziang kan bang cio pei? Mi tampi cu pacang si zo cingin fala an ngaihven herher, mi ṭhen cu fala sawn ih ngaihven le mithmai pek ruangah innsang din zo, fate hman nei zo pacang khal an nupi fate hngilh khawpin fala an zuan mei.

Hi Video kan tarlangmi ihsin Pacang siseh, Nupinu siseh, Fala, Tlangval pawl kan zir cio kei uh, in duhdawt zettu kan fala/tlangfal, kan nupi/pasal khan hivekih hlothlau zetih kan nuncan hin ziangtluk a ti siat ih ziangtluk zangfakza an si timi hi thei tlang uh si. Hi Video hi capoh awknak men le zuknung (film) lemcannak men a si loih a taktak rori a si. U.S ram ahcun an fala/tlangval, nupi/pasal an rinhlel deuhmi cu hivekin a thupten an hniksak ṭheu.

Tuiṭum ih kan tarlangmi nupinu khal hi a pasal thawn an neihawknak kum 5 a rei zo, asinan a pasal hi rinsan tlak taktak a si maw, ka hrangah a rinum taktak maw timi theih duhah, Luis hmangin a pasal a vun hniksak cu, a mitthli dan rualloin a luang zurzo, zoh a har in zang a fak nasa. Innsang an dinnak kum 5 hman a ti zo nan, a duhdawt zetmi a pasal in hivekin a phatsan mei cu zangfakza taktak a si.

Thu umdan cu, rawl dawr (restaurant) pakhat ah lakphak in ih a tomi a pasal cu fala nonal mawi zet pakhat in a va pan ih, a phunphun an reltlang. Falanu cun “fala na nei zo maw, na tuaktam tuk, uar na um tuk tiah a va bia”, pacang cun “fala neilo tiah a let ih, a kutzung ih zunghruk a hmuh veten fala cun nupi na nei zo maw si?” tiah a sut. Cutin an be-aw vivo ih khawlak vak tlang ih hmun fianhrial ih tongaw dingin an relcat, cupawl cu an Nu in Video in a rak zoh kerker.

A duhdawt ruangih a ṭhit/neihmi a pasal, an neihawknak hman kum 5 lai a si zomi in hivekin fala nonal zuan in a phatsan tikah nupinu cu amahte khal thununaw thei nawnlo in a mitthli a luang zurzo. Video ah rak zoh ve aw;

A tlun ih Video a lang theilo pang asile, screen parah hmet awla a ra langcih mei ding.