Aung La Nsang vs Ken Hasegawa 2 a reihlan ah kan thlir lehsal ding

ONE Championship, Mixed Martial Arts ih laar zet, Division pahnih Middleweight le Light Heavyweight rori ih Champion, Myanmar Saphai tiih kawhmi Aung La Nsang cu tuihlan ih a rak thongtu Japan micak Ken Hasegawa in a zuam/co sal lala ruangah Champion taikhap hum dingin timtuahnak nasa tak a neih thu theih a si.

Japan micak Ken Hasegawa le Aung La Nsang hi a liamciami June 29, 218 ah khan Middleweight Champion taikhap cuhaw in nasa takin an rak thongaw ih Round netabiknak ah Aung La Nsang in knockout in nehnak co in Middleweight Champion taikhap a rak hum thei. Aung La Nsang vs Ken Hasegawa an thongawkmi hi zoh nuam tak a si. A hnuai ah Video kan tarlang cih.

Japan micak Hasegawa in a ṭumhnihnak hrang Aung La Nsang a zuam/co nak thuthang hi Fight Game Asia thuthang zungih an thanmi a si ih, ONE Championship thuthang khalin an rak suahmi a si tiah an sim. Aung La Nsang le Hen Hasegawa veihnihnak an thongawk ding Ni cu March 31, 2019 ah a si ding.

Aung La Nsang cun “Ken Hasegawa thawn thongawk ding ni cu 2019 March 31 ah a si dingih, thongawknak ding hmun cu Japan ram khawpi Tokyo ah a si dingih ONE Championship hnuai ah a si dingih hi puai hmin cu A NEW ERA tiah kawh a si ding” tiin a sim.

Aung La N Sang vs Ken Hasegawa | Full fight Video;

Video a lang theilo pang asile, screen parah hmet awla a ra langcih mei ding.