Basketball leknak ih siatsuahawk ruangah a Khabe tumpi ah a cang

Hi thuthang ka hmuh ih a zuk ka zoh pek ahcun ka zum thei lo, thungai ngai teh a si thei pei maw, zuk tuahnak software in an tuahcawp a si ding tiah ka rak ruat. Asinan Video thaw rorin amah rori khal a ṭong ka hmuh tikah zumlo a ngah nawn lo. Mangbangza zet a si ih ziangtluk zangfakza so a si.

Philippines ram ih Ormoc City ah tlangval rual cu basketball an lek hai, Leonardo Moris timi kum 30 upa khal tleirawl pawl lakah a va lek ve. An lek rero lai ah an khawngawk pangih Leonardo hin ha natnak (toothache) a ngah. A ha nat cu a roh sinsin ih, cutin a thling vivo ih Zuk ih kan hmuh vek rori tiang a thling.

Tuvekin a Khabe a thling vivo ih tuamhlawm lohli lo asi ahcun hi a natnak hin thihnak tiang a thlen theimi a si tiah sibawi cun an sim. Natnak tuartu Moris hi inn sak hnaṭuan (construction) ih hlawhawk ṭheu a si. Hi a natnak tuamhlawmnak ding, operation nak hrangah £5,000 a ṭul. Inn sak hnaṭuan (construction) ih a ngahmi a thlahlawh cu mal takte lawng a si ruangah a tuamhlawm awk lohli theilonak a si.

Mangbangza zet asimi cu hi tlukin natnak bese zet a tuar cingin a hnaṭuan a cawl lo, a thei tawkin hna a ṭuan thotho ih, a Khabe operation nak ding hrangih ṭulsammi sumpai hawl in theilo cingten hna a ṭuan thotho. “I really need help to get medical treatment” (Ka tuamhlawmawknak hrangah bawm ka ṭul taktak a si), tiah a sim.

Zangfakza te ih a Ṭong lai Video;

Video a lang theilo pang asile, zianghman langlomi parah hmet law a ra langcih mei ding.