CHINLAND QUO VADIS? (CHINRAM KHUI NA FEH DING) Part 1

HI CABU HI

Rampi pakhat dinsuah timi hi tuihlan Chin (Laimi) pawlin an rak thei lo. An theih mi cu mi cak deuhin mi dang a va doneh tikah a uk ding mi lalram va din lawng a si.Cui lalram cu a fatepawl cun an run thenaw sawngih mah le lalram cio ah thuneihnak sang bik an nei.Hi pawlin an unau hrangah ram an kauh ter vivo lo tla ahcun an uk mi ram cu a fate zet. Cutin kan Chinram cu hiti vekin “lal” pawlin an rak uk.

 

Mirang pawl an ra thlen laiih a cak bik “lal” cu Falam (Taisun) lal a siih tlangsuak upa panga thawn ram a rak uk. Mirangpawl ra thleng lo sehla Falam lal hin Chinram pumpi a uk men ding. Mirangpawl cun lal le lal karlak ih doawknak cu a tawp ter hnuah lalpawl thuneihnak cu pawmpi in tualsung ukawknak cu an kut ah a ret.

 

Kawlpawl ruangah ziangvek a rung thleng thei tile Kawl pawlin ziangvek ukawkdan hman an tum ti theifiang ta hmaisa loin, Chin pawl cun Kawlpawl cu an rak kawp ih zalennak (independence) an la. Kawlpawl cun Colony roreldan an hmangih Federal dawk Unitary dawk ukawkdan hnuaiah tlangparmi (Chin telin) pawl cu an “uk mi” ah an retih anmah cu “uktu” ah an tuah aw.

 

Pu No Than Kap ih “Chinland Quavadis” hi Burma ram ah, rampi pakhat dinsuahnak thu thawn pehpar in, Chin tawng in, asilole tawng dang khalin, ngan hmaisa bik a si. Hi cabu hi Chin Miphunpawl, a hleicein tulai santhar minopawl ram thuhla le rampi dinsuahdan thei ter hmaisa biktu a si ding.

 

Dr. Vumson

Author of ZO HISTORY