Chinram Hauhruang Kulhmi Chinmi lala in an Thiatbal; Pu No Than Kap

Tuizing cu Facebook ka vun on veten ka Cahmai ah Pu No Than Kap ih cangan mi ka vun hmu dukdi, ka vun siar cu thu phunkim ruat in kan Chinmi hi ziang kan ti ta so? Hitin maw kan cemhloral thluh men ding, tiah thu tintian ka ruat. Chinram kauh sinnak dingah tiin kan mifim kan Pa le hin hauhruang an rak kulh tum rero nan maw, kan mah Chinmi lala in an ṭhiatbal hi cu a pawi tuk lawmam e.

Kum 1965 ah Chin U-Si Office cu Kalemyo ah din a si (kha lai ah Falam kha Chinram ih khawpi a rak si). Chinram kausin nak ding ruatin kan Pa le mifim pawlin an rak tawlrelmi cu kan mah Chinmi lala (khawruahnak mumal neilomi) in an rak ṭhiatbal. Hi thuhla pawl Dr. Vomson in kimcang zetin a rak ngan dah kha…a reihlan ah Chin Ṭong in kan run let lai ding.

Cutin can a rung herliam vivo ih, kum 50 hnu ah kan Pa le mifim pawlin Hauhruang kulhsal tumin hma an la ih an kulh thei zik thlang tifang ah, kan mah Chinmi lala in an ṭhiatbal lala. Kan Chinram le miphun duhdawttu kan Pa le pawl ih lungthin ziangbang na hen maw.

Kan Chinram kauhnak ding hrangih kan Pa le in ṭumhnih rori (1965 le 2015) Hauhruang an rak kulhmi cu kan mah Chinmi lala in ralṭha zetin an rak ṭhiatbal si khawh! Cuti asile, tu ah kan Chinram co tumin, lak tumin hro a suang rerotu, hi teh an dodal ve ngam ke maw? timi hi ka ruat nasa. Tu ah kan Chinram sungih um Paletwa cu Arakan Army pawl in Rakhine ram ah lakluh/canter tumin hro an suang rero.

Pu No Than Kap ih nganmi hi rak siar ve aw;

Zuk: Chinram (Lairawn, Kalemyo) hauhruang kulh tum lai..

Hauhruang kulh ngah zik hmang ti ah kanmah Chin lala in 2015 ah kan bal (Kan pale in 1965 ah ခ်င္းဦးစီးရံုး dinin an rak kulh ngah zik nan, kanmah Chin lala in an bal ih an tlansan).

Tu ah Chinram thlanglam Paletwa hauhruang bal tumtu an paw an rak.. Kan kilhim thei lo cun kanmai mawh..