Chinram kulh ah Nauhak Ku Kimlo Pawngsual a um phah vivo

Chin ramkulh Tedim peng sungah kum 19 mi cun kum 7 mi nauhak nute a pawngsual tiah Khaikam (ျပန္​/ဆက္​) hnen ihsin theih a si.

Tedim peng sungih Thingzang uksuh Kimlai khua ih kum 7 mi nauhak nute cu zaanlam suimilam 6:00 hrawngah a nulepa hawlin a um ih kum 19 mi Thian Lian Piang tei’ inn kiang a thlen tikah Thian Lian Piang cun khuiah na feh zik tiah a rak suh tiah theih a si.

Nauhak nute cun a nulepa a hawl thu a sim ih Thian Lian Piang cun na nulepa hnenah keimah ka lo thlah ding a ti hleiah hmuk ka lo leih ding a tiih an inn ihsin pi 60 hlatnak bial ah hruai in a pawngsual tiah theih a si.

Thian Lian Piang cun nauhak nute cu a nulepa le midang zohman sim lo dingin a fial ih a tlansan. Nauhak nute cu inn a thlen ihsin a nulepa hnenah a thuhla a sim ih a nu cun palik zungah feh in an thuhla a thlen.

Hi thuhla thawn pehpar in mi pawngsualtu Thian Lian Piang cu Khaikam palik zung in (ပ) 34/2018 yazatetgyi pukmah 376 in thubuai an tuahsak tiah theih a si. Ref: AKT