CM Salai Lian Luai Matupi mipi pawlin duhphawrhnak neih ding

Chinram Matupi Kha-Yaing (မတူပီခရိုင္ရံု) saknak ding hmunram thuhla thawn pehpar in tualsung mipipawl cun thaisun, December 17, ah Chinram Chief Minister Salai Lian Luai cu duhphawrhnak an nei ding tiah thuthang theih a si.

Matupi khawpi ah hin vengṭhen panga (5) a um ih vengṭhen pali (4) in himi Kha-Yaing (မတူပီခရိုင္ရံု) saknak ding hmunram an duhlonak pholang in duhphawrhnak an nei ding a si. Vengṭhen panga sungah,  စန္းေဘာန္၊ ခိုေဘြ၊ ေလာင္ဗန္း၊ ငလား vengpawl in duhpawrhnak an nei ding.

Matupi khawpi ih um, tualsungmi pakhat cun “Matupi Kha-Yaing saknak ding hmunram an ruahmanmi hi khawleng ah a si ih, ralkap umnak thawn a naiawk tuk hihi tualsung mipi in kan duhlonak san bik a si. Hnaṭuantupawl lakah nunau khal an telve ding ruangah, an hrangah a himlo tiah kan ruat. Tuihlan ihsin hi thu thawn pehpar in vawi tam zet Ca thawn kan rak simthei ko nan Chinram cozah lam in ziang thuhla hman a sia a ṭha in khirh dahlo a si” tiah a sim. Zalen.