CNA Tapungpawl ih mi an thahnak kum 22kim hngilhlonak tuah

December 17, 1996 zinglam nazi 1:00AM ah Chin National Army (CNA) Tapung pawl cun Saizang khaw lal Pu Zel Za Langh (Ex-Captain) le khawsung upa mi dang Pu Pau Khan, Pu Khai Khan Dal, Pu Pum Khan Tuang pawl cu rapthlak zetih an rak thahnak kum 22kim hngilhlonak an tuah, tiah thuthang theih a si.

Hi CNA pawlih an thahmi pacang pa li (4) pawl, an thahnak kum 22kim hngilhlonak hi, mizansun December 17, 2018 simlam nazi 4PM ah khan hruaitu hrekkhat pawl le mino pawlih hohanak thawn tuah a si, tiah theih a si. Hi thubuai thawn pehpar in CNA lam ihsin kan Lai danten ngaidam dilnak siseh, minung le minung zaangfahawknak thawn leemnak pawl zianghman a umlo a si, timi kan tarlang duh.

Tedim pengih an on mi (CNF) pehtlainak zung le Bukphil, Zimpi le Zimte khua pawlih buk an khuar nak hmun ihsin zamrang thei bikih ṭhawnaw dingin kan dil duh a si. CNA a cohlang ih a lungkimtu pengṭhen lawngah umhmun khuar in khawsa hai seh, an (CNF zung) pehtlaihnak zung khal on sawn hai seh, tiah kan simthei duh a si, tiah Phualva Lungtuak Media in an tarlang a si.

Hminsin: Hi thu hi Kawlca le Tedim ca ih nganmi Chin ca in kan letmi a si. Kan betmi a um loih kan thiam tawkten kan letmi a si, a diklonak a um a sile, a hnuai ah original an post mi siar theih in kan tarlang cih a si.

Original Post;