Falepawl Cathiam Duh ah Tilian khal hrial loin tlawng an thlah; VIDEO

Sui le Ngun cu an siatral thei ih an hloral thei, ruksak a theih fawn, asinan fimthiamnak cu a siatral thei loih ruksak awk a theih ve fawn lo. Fimthiamnak ih thupit dan cu fimthiamnak a neitupawl lawngin an thei bik. Fimthiamnak hi leitlunpi thleng danglam theinak hriamhrei a si, tiah Nelson Mandela in a rak sim dah. A va dik tak ve. Tulai san ah thazang hmangih mi nehtu cu mi aa ti an si zo.

 

Tuiṭum ih kan tarlangmi VIDEO hi cu a danglam hleice, mi pahnih cun nauhak pakhat veve paw in Tilian vutvo tlun ah Thirtluan pakhat te lawng donmi cu zawh in tlawngkai dingin an thlah lai a si ih. Himi Video hin mipi thinlung a coktho zet. Mi ṭhen in hivek cingin fale tlawngkai ter rero cu; tiih sawiseltu an um rualrual in mi ṭhen in, An nulepa cu uar an va um ve “Fimthiamnak cu sui le ngun hnakin a mankhung sawn timi an hmufiang tuk rori a si hi” tiah an ti ve thung.

 

Hi Video an zuknak hmun hi khui tawk ram khui tawk khua timi tarlang a si loih, thuthang kan laknak website ahcun, “Tilian zet lakah lilawn ṭhiṭha hman umlonak ah an fale tlawng an thlah” tiah an tarlang. An fale hi tlawng form an hrukih bag an phur phah.

 

Thirtluan pakhat te donmi men zawh in an fate an zaang ah an paw phah, an hnuai cu tilian vutvo, tla pang hai sehla tiliian in a fen that mei ding khi an si. VIDEO ah rak zoh ve hnik aw. Mi cun fimthiamnak hi, hivek rorin an hawl.

 

VIDEO;