Faphir unau, Nunau le Mipa cu Nulepa in an neihawk ter lawlaw; VIDEO

Hi thuthang vun theih cun mang a bang ih ziangtin so an Nulepa in hivek an tuah thei tiah khawruah ding a tam nasa. Kum 6 ih upa faphir (Nunau le Mipa) cu an Nulepa le sungkhat lungkimnak thawn nupa ah an neihawk ter. Hi thuthang hi tufang online social media ah a laar nasa, Video khal tarlang cih a si.

Thailand ram ih um, Buddhist sakhau betu, fapa phir (Nunau le Mipa) cu an Nulepa in an hung upat tikah duhdawtaw (Ngaizawng, nupi/pasal dingih duhaw) an hung si leh ding ti an ruahsan ruangah, tuisi thokin an rak neihawk ter cia tiah theih a si. Faphir tei’ unau hi, September 2012 ah khan an rak piang ih, Mipa ih hmin cu Guitar a si ih, nunau ih hmin cu Kiwi ti a si.

Buddhist sakhua betupawl ih zumnak ahcun faphir ih nunau le mipa a suak/piang khawm cu a zarh tiah an ruat ih, tuihlan ah fala le tlangval duhdawt aw zet an rak si nan, an rak coawk lo ruangah faphir ah an rung suaksal a si tiih zumnak an neih ruangah, tuvekin hi Faphir unau khal an neihawk ternak a si.

“An nauhak lai te ih kan neihawk ter zanglo asile an hung upat deuh cun vanduainak tla an tong pang thei” tiah an Nulepa cun an sim. Hi faphir unau ih Nulepa hi, a Pa kum 31 ih upa Amornsan Sunthorn Lairat le a Nu kum 30 ih upa Phacharaporn an si. Ṭhitumnak puai an tuahnak hi Thailand ram khawpi Bangkok ih Samut Prakan timi ah a si.

An Pa Amornsan cun “Tuvekin faphir nupa ih kan neihawkter nak san cu, tuihlan ih an rak nunak ah nupa asilole fala le tlangval duhdaw awzet an rak si dah ding, tiah kan zum. Hivek zumnak hi kan pupa san ihsi kan rak neihmi a si. Hi faphir hi ka neihawk ter lohli asile an harhdam ih an hlawhtling sawn a si” tiah a sim.

An neihawk lai Video rak zoh ve aw;

Video a lang theilo pang asile, screen parah hmet awla a langcih mei ding.