Hitluk Vansiat Hi Maw Zangfah Umtuk Aw

Hi thu siartu tam sawm cu nan thin a nuam tuk bik lem ka zum lo. Hitluk vansiatnak hi leitlunah a rak umthiam hi mangbangza ngai ngai a si. Nufate lawngih ummi ansi, a nu cu mawtaw cangsual nakin a thi, a tanta mi a fapa te cu zo in an kilkhawi thlang ding?

A nu hmin cu Lina a si, Malaysia ih ummi ansi, a nu cu Tanjung Bunga Metro ih lamzin thianfai hnattuan a si. Lina hin a fapa te a umpi ih, curuangah a hnattuan nak khalah a fapa te cu a hruai ring ring theu. Inn lamah rak kilkawitu an umlo, sungkhat khal an neilo, an nufate ih ummi an si.

A nu cu a hnattuan nakah mawtaw in a pahpang, sinan cu mawtaw cu a tlanhlo cih, Lina ttaihtu mawtaw cu ziangvek a si khal an thei lo ( an thei lo ngai ngai maw fahrah te ansih ruangah an sim duh lo sawn ha? ) ti a si. A nu cu hliamhma natak thawn sizung fehpi a si, curuangah a fapa khal sizung a thlen ve a ttul.

Reiloah a nu cu a thi, a nu kiangah a feh, ka nu tho aw kan tlungding a ti, kiangkap ih umpawl ttap lo zohman an um lo. Ka nu tho aw kan tlungding, hinah cu a nuam lo, ka rilrawng zo, tlun ka duh a ti. Lina fapa cu fahrah a sithlang, children home lamih an ret a ttul a ttul ding. An nufate in an nuamaw tuk theu, fahrahte ansinan zohman an ngai lo. Tuahcun Lina fapa hrangah cun leitlun cu ttahnak ram a si. Makassar Info

Be the first to comment

Leave a Reply

Your email address will not be published.


*