International News Larzualte

1. Bangkok boruak bal

Kan hnung kar kalta vel atanga boruak thianghlim lo chu a nasat zel avangin Bangkok khawpuia sikulte chu khar mai turin Thailand sorkar chuan thuchhuah a siam a. Jan 30 chhun atangin sikul 400 lai an khar nghal a ni.

Boruak thianhlim/loh endiktute sawi dan chuan khawpui hmun sawm lai chu hriselna atana hlauhawm boruakin a tuam mêk a, hmun khat phei chu a zual hle – boruak thianghlim leh thianghlim loh tehnaah (AQI) ah 207 a kai chho a ni.

Boruak thianghlim lo tih reh nan sorkar chuan drone 59 lai hmanga boruak vai kian a tum thute an sawi a. Jetianga tih hi a sawt meuh dawn leh dawn loh erawh chiang taka hriat a la ni lo.

Hetia boruak thianghlim an tawn hi kar kalta vel atang khan a ni a. Chinese kut pui vel leh hun dang danga an thil tih thin – mei hal leh khawl hmanga boruak chhia hi lo zual kai zual ta niin an sawi. Tun hmain hetiang em ema boruak bal hi an lo tawng ngai bik lo va. Khawl hmanga in chung leh compound-te tuia kapin an boruak bal zual a reh nan theihtawp chhiahin an vir buai hle a ni.

2. France/Spain Kalte Tan Fimkhur Tul

France leh Spain ram vela zin thin Myanmar mite chuan pawisa ip lakruksak leh a chang chuan chhuhsak hial an tawh fo avangin an pawisa ipte chu an taksa nena inkawp chiala dah tlat turin leh tute pawh inngaihven tlang turin France a awm Myanmar Embassy chuan fimkhurna thu a sawi. Chutiang lama harsatna tawk an awm chuan embassy-ah (myanmarembassyparis@gmail.com) englai pawhin a biak pawp theih reng thu a sawi bawk.

3. Brazil Tuikhuah Chima Thi 84 Tling Tawh

Brazil chhim lama tuikhuah chim avanga buaina chu a kal zel a. Tun hnai khan ruang 19 chhar leh niin ruang chhar zawng zawng hi 84 a tling tawh tih an sawi a. Tuna la zawn hmuh loh hi mi 270 vel la awmin, mi bo zawnna hna an kalpui zel a ni.

4. Movie Museum

Black and White, aw pawh la khung loh, hman hman ata atanga tunlai ber ber thlenga Indian movie hmasawn zel dan, a tahtawla zir duhte tana an siam, India rama awm hmasa ber tur Movie Museum ropui tak chu Bollywood hmunpui Mumbai-ah an hawng ta. Mumbai chhim lama awm, zabi 19 hun laia kut themthiamna mawi tak hmanga an lo sak Bangalow nena in ep chiahin he Museum hi an sa a. Chhawng ngaa sak niin a sak nan hian Dollar 19.6 millions (Indian Rupee 1.4 billions) an seng a ni.

He museum hian kum 100 chuang hun chhung zawngin India ramah eng ang takin nge movie lama hma an sawn tih a lantir dawn a ni, an ti.