Ka Pu Hi Bawm Theitu Nan Umpan Maw?

Ka pu hi a pumpi Operation a sihruangah hna a ttuan thei lo, culawng silo in a pumpi an operation nakcu nasazet in a hma, hmapi vekah a cang. Curuangah sizung fehsal a ttul, sinan sumpai a nei lo, hna le a ttuan thei lo, a pumpi hma le a ni ni in a zual, zamrangten sizung a feh lohle a poi lehding.

Hein Min Thu cun ka post mi hmutu cun zangfahten share in inbawm ve uh, hi ka pu hin bawm a ttul zet, post hmutu hrekkhat lakin rak bawm theitu, rak bawm duhtu an umpangah, a ti. Hein Min Thu cun bawm ttulzet mi pakhat a ton micu bawm loih liamsan mei in a hun bawm ta, a neihmi sumpai a pek hnuah sizung fehpitu ding taxi a sansak.

Ka pu hin sizung fehnak dingah thong sawmthum le thongnga a ttul, ATM ih ka lakmi thong sawmli cu ka hon pe, a tonak ding taxi ka san sak, hun lo biak vivo nakding phone number inpe aw ka ti, ka pu cun phone ka nei lo a ti, sinan ka umnak cu Hlaingthaza 16block, U Kyaw Aye inn dungah ka um, ka hmin cu U Aye Lwin a si, tin a sim.

Lâr duhruangih post khal a silo, bawm ttulzet mi putar pakhat bawm duhtu le bawm theitu an rak umpangah tin a post mi a si. Tivekih bawm ttul bawm theitu minung hi ka uar zawng tak a si, Hein Min Thu cu zo a si ticu kawlram mi a tamsawn cun kan thei ko ding tin ka zum. Hein Min Thu

Be the first to comment

Leave a Reply

Your email address will not be published.


*