Kum 14 nu Tlawngta Nute cu Kum 16 mipa in tleirawl in a that ih pawngsual

AW, kan leitlun, kan san hi a va se tak thlang ve. Thuthang sia a phunphun theih ding a tam. Doawknak khal a karh sinsin. Tlawngta nauhak in meithal thawn mi a kap tipawl, nauhakte an pawngsual tipawl, mipa in mipa a pawngsual tipawl, a phunphun sualralnak thuthang hi nitin theih ding a um ringring.

Tlawngta nauhak, tleirawl, kum 14 nute cu, mipa tleirawl kum 16 mi in sobul cu ralthuam vekin hmang tahrat in Tleirawl fala cu a vei 21 rori a talh/vuak ciamco hnu ah thi deuhlo fangin a zuah ih a thih hlante ah a pawngsual ta, cuhnu ah a taksa ruang cu tlu lo dingin hmuan sungah thil in a do ta.

Tleirawl fala nute hi Viktorija Sokolova tiih kawhmi a si ih tualthat tu le pawngsual tu hi a hmin an tarlang duhlo. Tualthattu tleirawl pate hin Viktorija hi vei 21 rori sobul thawn a vua tiah an sim. Asinan tualthattu hin tualthattu le pawngsualtu a ka silo tiah a ṭang ve. Viktorija hi a taksa hrek a hnipuan hlit-aw in a ruak sar a si.

Hivek lawmam in thatawknak rapthlak le pawngsualnak rapthlak tak a thlennak san hi ziangruangah ti theihfel a si hrih lo. Thi ding ko in vei 21 rori sobul thawn a vuak hnu, a thih hlante ah a pawngsual timi cu maksak tak le rapthlak tak a tling ban a si.