Kum 7 sung a hngah hnuah Tlawng saya pakhat in a Tlawngta Nu a nei ngah

Duhdawtnak cu kan beisei lo lai le kan beisei lonak hnunah kan tawngtheu an ti cu Indonesia ram ih um Erwin Pangalia le Vinda Virginia hin a tak in in hmuh. Erwin cu Vinda hnakin kum 14 in a upat hleiah Vinda ih High school saya a rak si. Tlawngta le Zirhtu saya an rak si lai ihsin an pahnih in an thinlungten an rak ngaizawngaw thup zo.

Kum 13 a si laiah Vinda cun a rualpi dang pawl vek in a Saya Erwin cu a rak duhthup ih cazir theh hnu khalah a sayapa thawn umfual duh ruangah thusutnak tampi a rak nei theu. Cumi a zuamnak in a Saya thinlung cu neh in an duhaw thawk ih kum 7 an kawpawk hnuah an nei aw. Zirhtu le tlawngta sinak in tucu nupa an si zo thu hi tei nupa hin social media ah an tarlang.

Hi thuthang siar tikah tulai san ih kan nau le pawl mitthlam ah an cuang, ziangtak bang hai kei maw. Kan ram dinhmun, zirhtu saya le zirhmi tlawngta ziangtlukin an rak zoh-niam awk? Tlawngta cu ziangtluk cathiam le fim an si hman ah zirhtu saya cun an hmuhsuam deuh ringring ṭheu.

Hmun dang ram dang ahcun Zirhtu si ruangah Kawlram ih tlawng saya vekin ti ṭhemṭhem le ti hngernger in an um lo tikah, Tlawngta khalin zirhtu saya a kok thei, a duh le a ngaizawng thei, Kawlram ahcun a ngah hrih ding zum a um lo. Asinan hivek kherkher in zalen lo hman sehla a umtu pahnih khat cu an rak um thotho ding zum a um.