Lumehna Dawrah Sazuk A Tlanlut Thut Customer Te An Thlabar Video

New York khawpuia Beauty Salon pakhat ah Sazuk a tlanlut thut mai a, chumi a lo awmte chu an thlabar hman hle ani. Mizo tawng taka han sawi fiah chuan thla nei sela chuan lu leh mawng hre lovin an phirsi darh nghal chuai ang. Sazuk rawn lut lahhi pangai takin kawngkhar atangin a rawn lut lova darthlalang a rawn dawn keh thuai si a.

Thilthlen hun hi a ram sana ah chuan 12:20pm ani. Chhun pachan laitakah darthlalang kehbuai thawm leh sazuk rawn tlan lut an hmuh a inrual si a, O’ My God chelchul tawh mai ani. Mahse Sazuk hian a awm ve lohna tur hmun anih zia a hre nghal vat mai a, darthlalang a tihchhiat sak vanga inthlahrung niawm tak chungin a chhuak lehnghal zal zal mai ani.

Rinloh taka Sazuk a rawn tlan luh vangin a chhunga awm nu pakhat chuan a luah leh a keah hliam a tawrh phah ani. Sazuk chhuak leh ta kha khawilamah nge a țuan tak tih tuman an hmu zui tawh lo tiin Insider chuan a tarlang ani. Thil mak leh danglam lutuk chu a tling pha lo maithei a, mahse thilthleng zen zen erawh a nilo hle ang. abc7NY

Be the first to comment

Leave a Reply

Your email address will not be published.


*