Mai’ Nupi hman theithiam nawnlo ih buan thlutu Zuri pa

Zu hin minung a tungding dahlo ih Minung a tluter sawn. Ṭongṭhimnak ah an rak hmang ṭheu, leitlun tlangsangbik Mont Everest Tlang cun mi a nen that hrih lo nan, Zu palang cun mi tampi a nen that tiah an sim. Zu in innsang a buaiter, nupa ṭang a ṭhenawkter, mi lakah ningzak mualpho in mi a um ter, mi thawn huatawknak tuah ter, mi ih hmuhsuam le nautatmi a si ter.

A hnuai lam ih kan tarlangmi Video hi rak zoh hman, hnihsuak a bang zet nan, ziangtluk ningzakza so a si ih hi ai ih mualpho a um nawn pei maw? Zuri pahnih cu an sualaw ciamco ih, pakhat sawn in a nor thluk, a tlutu pa cu a Nupi in a va tho ih a liang in a va kai, Zuri pa cun a sual takmi pa ah a neih ih a Nupi ih kaiza in a pom ih a thluk ruairo. A vun zoh cu a nupi a rak si.

Tuvekin zurit ruangih cangsual hi minung tam tak an um. Pacang fim, cathiam pakhat cu fate 6 an nei, zu a in ringring ṭheu, innsang ah buainak cu a tuah kher lo, asinan a Zu in ruangah a thlahlawh a cemcak, an innsang ṭul haimi an daih-aw thei dah lo. Nikhat cu pacang tak le fim takin thu a ruat, “Zu in hin ziangso ṭhathnemnak a neih tiah pakhat hnu pakhat a nunnak a vun check sal vivo, cutikah Zu-in hin ṭhathnemnak zianghman a neilo timi a hmufiang tuk ruangah a zan ihsi thokin zu a in nawn lo”.

Zu a in nawn lo, kuak a fawp nawn lo, cutik ah baksammi neilai vekin a thei aw. Pathianmi hnen ah a feh ih, Zu ka in lo, kuak ka fawp lo asinan ka piangthar ti ding fukfi ka neilo, tiah a va sim ih Pathian ih rundamnak thuthangṭha an rak sim cu, lungawi zetin a piangthar ta. Zu in lo, Kuak fawp lo hi “Mi piangthar, Pathian fate” an si thluh cuang lo. Asinan Pathian fate, mi piangthar cun “Zuk le hmawm” a tham ding a si lo.

Hi Video ihsin kan zir theimi cu, Zu-in cu mualphonak, mi ih hnihsan le nautatmi sinak, sumpai cemnak, ṭullopi khalih rualpi thawn sualawknak, venghnen ih huatmi le mitkemza sinak. A hnuai ih Video hi rak zoh aw le..

Video;

Video a lang theilo pang asile, zianghman langlomi parah hmet law a ra langcih mei ding.