Malaysia ih Um Chin mipi pawl ralrin ṭul tuk, kaihkhih a tam

Malaysia ih um kan Chin mi raltlan pawl dinhmun hi ruah harsaza tak an si. UNHCR in an card an lawngsak, Kawlram an tlung thei laklawh fawn lo, vansanglan in khua an sa. Ram thumnak feh thei laklawh si lo, suahsemnak lam ah an tlung thei hrih laklawh si lo, Malaysia ah le palik kaihkhih ṭih ah a suk a so ah an tlan zawk rero fawn.

Tubaite khalah Malaysia ram ih Klang Utara ah kaihkhih nasa tak a thlengih Police pawlin dan loih um an hual nasa. Hivekih Oparasi pi a lut can ahcun zangfahawk timi a um loih hivek Oparasi hi Malaysia ih um Chin mipi in an ṭih bikmi a si. Naute suak pekte khal hivek Oparasi ah hin kaih thotho an si.

Oparasi a um can ih Chin mipi Malaysia Palik pawlin nasa takih an vun kai, an hual hmuh tikah zang an fak tuk. Mi tampi, nupa fate nei in hnaṭuannak ih kaihmi, mi tampi nupi naute nei zikte tive, mi ṭhen an nupi, fate an damlo ih sizung um lai tivek. Hivekpawl an kaihmi tla cu ruah harsaza ngaingai an si.

Ahnuai ih Video kan tarlang mi hi November 15, 2018 sun ih Malaysia ram Klang Utara ah Oparasi in mi an kaih lai a si. Video zoh tikah ramsa men bangih hivek lawmam ih an hualawk hi cu ruah harsaza an si.

Video;

Atlun ih Video tarlangmi a lang theilo pang asile, zianghman langlomi kha hmet awla a ra langcih mei ding.