Mineinung zet Pitar pakhat cu Tlangval kum 19 mi thawn an umtlang lai kai ngah; VIDEO

Tufang YouTube Channel ih laar zet pakhat cun Tlangval note tuaktam zet cu an hire ih kum 50 lai ih upa pasal fate nei zo nupinu pakhat cu an thlem ter. A thupten Video an rak zuk ih Nupinu pasal fate nei zo cu mualpho takin, zianghman sim ding um nawn lo khawp in a um ta riai. Kan Laimi mi tampi hivek in kan nupi/pasal hi hniksak ve hnik sehla mai’ nupi/pasal hrangih rinumlo ih mualpho kan tam zet ding.

Thu um dan cu; innsungsang pakhat mi neinung zet an si ih inntekpa bik cu kum upa thlang ti fam cu a tar biambi deuh. Fanu le fapa an nei zo ih an fate khal an upa ve zet thlang, company an nei ih miharsa an si lo lawlaw. Pa bik cun Nubik hi ziangvek lungput a nei ih ziangvekin ka parah a rinum ti hliahfiahnak ah hi YouTube Channel hi a hire nak a si.

Tlangval tuaktam zet cun milian nupinu cu khawlak ah a tong ih tongkam sexy zetzet in a bia, a phone number a dil ih can tawkfang an biakawk hnu ah tongaw dingin an lungkim. Nupinu cun ka pasal cu zingih hnaṭuan a si ruangah reilote sung lawng ka lo tong man ding tiah a sim. Tlangval khal cun na ra ding asile skirt tawite rak hruk awla na awmba lang deuh dingin ceiawk aw, tiah a sim.

Nupinu kum 50 lenglo ih upa a si nan, a pasal fate cu theihhngilh in tlangval tuaktam le tleirawlte zuan in a cei-aw ciamco. Sexy zetin a ceiawk hnu ah tlangval hnen cu a feh. Himi an cangvaihnak pawl hi Video in an rak record thluh, asinan nupinu hin Video ih an record le record lo a theilo. Channel neitu cun na nupi cu hi dinhmun a si zo, kan duhtawk pei maw? tiih a sut tikah putarpa cun a cem tiang si lawlaw seh, thudik laihlang ih thudik theih lawlaw ka duh a si, a ti ih cutin an peh vivo.

Tlangval ih umnak address cu pitarnu cun a sut ih a va feh taktak, tlangval ih umnak inn ahcun Camera an rak retcia ṭhepṭhep, putar khal lengah a thupten an umter. Nupinu cu innsung a rung lut ih tlangval ih fial vekin sexy zetin a cei aw, a thupten a rak cak tuk ziar khi a rak si. Tlangval cu a pom ih an tongtlang, nupa sinak an hmantlang dan ding pawl an relkhawm. Tawkfangin tlangval cu room pakhat sungah a lut ih Video rak zuktu pa a ra suah ter, nasaten thu an sut ih nun an sim, mi farah zawnzai tla nan si lo, hivekin na nungcang an ti hnu ah an suak ter.

Innleng ihsin a pasal in a rak bawh ih, “Ziangso an ti?” tiin thusut phah in “Na Phone I pe aw” tiah a dil ih a Phone a pek hnu ah, hmun dangdang ah an feh, an ṭhen aw.. Ziang an bang pei maw, thuhla theih a sin awn lo. Pacang/Mipa lawng hmang tleirawl fala duh ih rak ler ti laklai ah nupi/pitar pawl khal hi hramhring cu an rak ngaina ve thotho a si hi teh maw. Hi Video hi film an can menmi a si lo, a taktak rori an tuahmi a si.

Video rak zoh ve hnik law;

Video a lang theilo pang asile, zianghman langlomi screen parah hmet awla a ra langcih mei ding.