Namte Ih A Nu Dawttu Fala Cu A Nu In A Ngaidam

Birmingham ah October 11, 2017 kum ah fala note Paige Gaffney ( 16 ) cun a nu rori cu nungtlak na silo tiin namte in a dawt. A dawh pek ah cun a nu cu a thi ti a si, sinan Emergency in Sizung an pehpi hnu tawkfang ah a nu cu a ra nung sal. Vanthat ah a nu cu thi lo in a damsal thei, a nu țong hmaisakbik cu ka fanu kha ka par ih a thiltuahmi lak ah ka ngaidam a si, a ti.

Hi thil a tuah lai ah cun a fanu hi kum 16 long a sihruang ah kum kim lo ti a si. Kum a kim ( kum 18 ) a kim le a thuhla Court in a rel ding ti a si. October 9, 2019 ah cun Paige khal kum 18 a kim ve thlang, Dan vek in a thuhla rel thei a sive thlang. Sinan a nu in ka ngaidam a tihruang ah a sualman tuar lo ding in an luatter a si.

Paige hin a nu thah a tumnak san cu ka par ah nu vek in na umlo, in kilkawi lo, zianghman ah inrello, tin a ci-nat loh ruang ah a si. Paige nu hin pasal pa 4 lai a nei ti a si, curuang ah Paige khal hi nauhakte a sihlai ah thaten inkilkawi lo a ti. A nu par ih a ci-nat loh ruang ah a nu cu thah a tum. Namte in a dawt, hliamhma thawn sizung ah caan reipi a um hnu ah a nu khal damten a ra suak.

Santlailo tuk ih a ruat mi a nu cun a fanu thilsual tuahmi par ah a ngaidam thu theih a si. A par ih santlailo tuk ih a ruat mi a nu, duhdawtnak neilo ti ih a hmuh mi a nu cun a fanu sualnak a ngaithiam thei, hi thu ka theih hin ruahding tampi inpe, khatlam ah cun ka mitthli tiang a fawr zik pah pah ko” na nu kha hun ruat ve aw. The Sun

Be the first to comment

Leave a Reply

Your email address will not be published.


*