NUCLEAR BOMB AIZAWLAH PUAK TA SE (Zawlkhawpui senmei a chan ni champhaphak pualin)

(Nate-a Achilles) China missile lian ber 5MT Dong Feng an tih khi; kan Mizoram khawpui ber Aizawlah hian pakhat lek rawn thlak ta sela, a nghawng nat lehzualna tur area a ni picture-a kan hmuh hi.

Amaherawhchu, Nuclear Bomb hi lei chung boruakah a puak a nih chuan a thawk zau lehzual a, tuna mi hi chu ground a puak tur anga chhût a ni a. Lei chung metre 100 velah chuan puak sela, hei ai hian a effected Area hi a zau lehzual dawn a ni.

(Nuke hnathawh dan enchhinna Application hi a awm a, ‘Nukeblast’ tiin a awm a; a download theih a; keipawh ka download a, a manhla khawp mai)

Bomb puak atangin Gamma Ray rapthlak lutukin khing area te khi a tuam nghal vek a nga, Nî (sun) ai pawha a sat dawn avangin tuiral thei zawng zawng chu an tui ral nghal vek a nga, nunna nei zawng zawng an thi vek ang.

Hemi-a thi te hi Neuclear bomb avanga thi vannei berte an ni ang, taksa in nâ a tuar tih pawh an hriat hmain meivâpah an chang vek a nga, an vannei hle zawk dawn tihna a nih chu!. Rinbial chhunga awm lo tân pawh an tawrhna chu a rapthlâk khawp ang!

Radiation radius: 90% vel chu an thi nghâl vek a nga, a thi lo an awm a nih pawhin êng lutuk avangin thil nung reng reng, an meng emaw, meng lo emaw an mit a del nghal vek bawk ang.

Air blast radius: Psi 2.4 Overpressure avangin In leh thil ding zawng zawng chu an tlu mâm filh vek a nga, dam khaw chhuahna chance a awm lo tluk a ni.

Thermal radiation radius: Third-degree burns vangin mihring leh ran an kâng nasa hle ang. Thil kâng thei chi chu a kang hluah hluah a nga. Mihring leh thil nung reng reng chu an vun te a pilh puk puk ang a, tlanchhiat tum mah sela, khua an hmu thei tawh lo a nga, rapthlak leh hrehawm takin an thi dawn a ni. Nuclear bomb ah hi chuan a thi hmasa apiang an vannei mai dawn a ni.

Bomb puahna hmun lam hawiin Neuclear thlipui na lutuk a rawn tleh hum hum a nga, hei hian In leh thil ding la awm chhun chu a rawn nuai tlu leh miah miah a nga, thlipui rawn tleh chuan bomb puak khu mushroom shape chu a rawn țai darh a nga, neuclear chhumpui dum ngûk mai a rawn zing phui mup mup anga. Chhum chu a lo khang a nga, radio-active ruah rapthlak tak a lo sur leh ang.

A hnu zelah chuan, nuclear chhûm chu a lang thei tawh lo ang a, mahse a hlauhawmna leh a hnathawh chu a kiang si lo ang.

Hrî a lêng anga, nuclear puah hlima thi ta te zawng zawng aia tam fê chu bomb puah hnu chawlhkâr 3 chhungin an thi leh anga; a dam chhuak awmchhun pawh an piangsual kumkhua tawh ang.LALPA AH CHAUH INHUMHIMNA A AWM