Nupinu pakhat in Naute hnar sungih hnap a thianfai sak lai, VIDEO in mipi mangbang ter

Nauhak/Naute um/kilkhawi hi zoh men ahcun thil awlsamte a bang nan, thil harsa zet a si. Naute cu an damlo a awl ih, nat ter pang a awl zet fawn. Ei le in ah upa ei mi an ei thei fawnlo tikah tawlrel sak an rak ṭul lala fawn. Naute um/kilkhawi hi hnaṭuan picang zet pakhat ṭuan a si. A kiltu ih thupit dan tla cu a mak in a mak, kan Bible thianghlim sung rori ah “Nauhak kha nundan dik zirh awla, a tar tiang cui’ lamzin ihsin a pial lo ding” tiin a um.

 

Tuiṭum ih kan ralangmi mak ve deuh mei a si. VIDEO sungih kan hmuh vekin naute hnap tawt tehteh cu nupinu pakhat in syringe thawn tidai a hiip ih naute hnar sungah a zit sak. Cutin naute hnar sungih hnap pawl cu hnitsak ṭul loin awlsam ten an rung suak zurzo.

 

Naute hi a hnar a pit tuk ruangah um nuamlo in a um. Nupinu cun syringe thawn a hnar sung a kholh sak hnu cun um nuam zetin a um sal. A tlangpi thu cun (kan thaw kan thawt hrim ti lo ahcun) kan Kaa kan ang a sile kan hnar kha a pit. Cutin nupinu khal hin naute cu a kaa a ang ter ih a ka-aan sungah a hnar sungah Syringe in tidai a zitsak.

 

Hi Video a rak zohtu mi tampi cun minung hi kan Mit, Hnar le Hna pawl hi pehparaw ṭheh an si ruangah naute ih harhdamnak hrangah a ṭhalo ding tiih comment tu an um rualrual in, mi hrek vethung cun naute tuamhlawm dan a va thiam em. Naute le zianghman canglo ten a um ih, a pawi ziklo, tiah an ngan vethung.

 

A hnuai ih Video ah rak zoh aw le;