Online Hmandan Tawk Kan Thiam A Ttul Nasa

A hleice in kannih Myanmar pawlhi online hmang thiam lo lamah kan hminthang tuk zo. Leitlunih ram fahrah bik lakih telban kan sinan leitlunih online hmangtu tambik ramah kan telban. Cumi lakah kannih chin pawlhi kan van a ttha, tutiangah online ruangih thi, hliam tuar, mi thihnak thlentertu kan si lem lo.

Kachin, Kayin, Shan, Mon, Rakhine, Bama” pawl lakah online ruangih hminsia, nupa thenaw, kum kim lo sualpinak, mahle mah that awknak” a thleng tamtuk zo. Tu zukih kan hmuh mi pa hi online ruangih thi tin sim a ngah, a pawi ngai ngai.

Zukih kan hmuh mi nu hi online in mi thihnak thlentertu a si tin sim a ngah. Ko Phyo Ly timi pa cu lamzin kapah an tawng, Ko Phyo Ly ka si tin a ttong ring ring. A lung lam a hman lo siding tin an innah an tlunpi ta, a besia deuh deuh, sizung an fehpi, cuhnuah a thi ta.

Ko Phyo Ly thilri pawl an check tikah online ih a tawn mi fala tawng ding mi a si. Sinan online ih a tawn mi fala thawn tawngaw dingih an simaw nakah a fala cu a ra lo. Caan reipi a nghak, a ra lo, a fala nu inle ka ra e, khinah ka thleng, hinah ka thleng, tin caa a kuat pah pah ko.

Reipi tiang a nghah hnu khalah a ra thleng thei cuang lo, a mangbang vaivuan tuk cu lungmit in a tlu, cutin reipi hnuah mi dangin sizung an fehpi mi a si. Sizung an thlenpi tawkfangah Ko Phyo Ly cu a thi. Ko Phyo Ly cu November 7, 2019 ah Sat San Htun Sizung ah a thi. Sinan Ko Phyo Ly sungkhat pawl an thei rih lo, share nakin inbawm uh, Ko Phyo Ly sungkhat pawl in hawlbawm uh, tin May La Min account ah post a si.

A thi mi Ko Phyo Ly timi pa cu zukih kan hmuh mi hi a si, a fala nu, online ih a tawn mi nu, ra aw la kan tawngaw ding cunah titu cu hi nu hi a si. A fala nu hmin hi an ngan lo, official ngai ngai ih pawm a si rih lo, sinan hi fala nu zuk lawng lawng hi a buaipi, a phone sung khalah himi nu lawng lawng a si. Ko Phyo Ly theitu kan umpang le hi number ah theihter ding a si 094450209016, 09768284414″ MHMN

Be the first to comment

Leave a Reply

Your email address will not be published.


*