Phun 8 Tlawngta Nauhak Firtu Phungki An Kai

Hi thu hi ni 4/5 lai luanzomi ih thu a sihruangah news siartu pawl hnen ah ngaithiam ka lo dil hmaisa duh. Ziangah ni 4/5 lai liamzomi cu tuah ka post tile tivek thu hi annih ( kawl ) khal in nasazet in an share theu ruangah a si. Kan Pastor lakih tivek zong ih cangsual an umpang le nasazet in an share theu ko. Sinan hi thu hi media tum deuh deuh in an thup deuh a bang tin ka ruat. Cu cu ni 4/5 liamzo hnu ihthu tuah ka run post duhnak san pakhat cu a si ve.

October 2, 2019″ ah Bago Region, Pandaung Township ah kum 40 mi Phungki U Sai Aung Moe Kyaw in phun 8 tlawngta fala tleirawlte cu a fir ruang ah October 3 ah Phungki pa ( U Sai Aung Moe Kyaw ) cu Palik le khaw upa pawl in Pohmah 363 thawn pehpar aw in an kai ti a si.

Phungki U Sai Aung Moe Kyaw hi phungki tlawng ih ummi a si, Shan-Bama’ miphun a si, phun 4 tiang tlawng a kai, biaknak lam ah cun Buddhist a si, tu ih a dinhmun cu Buddhism Saya pakhat vek a si. A fir mi fala tleirawlte hmin cu Mah Myat Suh Mon a si, a pa hmin cu U Myint Oo a si.

M9N hin phungki pa fir mi fala tleirawlte phun 8 kai reromi hi a uartuk lemlo a bang. Sinan a dem zong le a se zong cun zianghman cu a tong lemlo. Phungki pa hin a duh lo cing cu a fir lo, sinan a fir mi fala hi kumkim hrihlomi a si. Culong silo in phungki a sibet lai, phungki pakhat in fala note kumkim hrihlomi a fir ticu kawl pawl hrang ah cun ningzahnak tak tak cu sive ko. Kan Pastor hrekkhat khal nunau lak ah an cangsual le cu an damsung ningzahnak in a hmuak ve zel ding. Myanmar9 News

Be the first to comment

Leave a Reply

Your email address will not be published.


*