PRESIDENT DONALD TRUMP PAIHTHLAK TUMNA THIL A NI

PRESIDENT DONALD TRUMP PAIHTHLAK TUMNA THIL A NI : US NATIONAL SECURITY ATAN A HLAUHAWM THEI-Steve K. Bannon

Sept 10, 2018 (MSR): Tunkar liamtaa The New York Times chanchinbua “Resistance’ op-ed” thuziak chungchang chu White House Chief Strategist thin, Steve K. Bannon chuan Italy a zinna atangin, “President Donald Trump paihthlak thut tumna (coup) thil niin, he thil hi harsatna (crisis) a ni” tiin, President Trump chu Abraham Lincoln anga a khawnbawlte beih tawknaah a ngaih thu a sawi.

Mike Pence, Vice President pawhin Fox News hnenah, hetianga The New York Times “op-ed” thuziaktu chu chhui chhuah tul a tih thu leh, thilsual tihna (criminal activity) a awm chuan chhui chhuah ngei tur a ni, tiin, a tul phei chuan dawt sawi leh sawiloh hriatna khawl (lie detector) hmanga an lungphute pawh ngaihthlak a, enfiah a that a rin thu a sawi a ni.

Steve Bannon chuan, President Trump chu kum 1862 a President Abraham Lincoln-an harsatna leh beih tawh anga tawk mek anga sawiin, New York Times chanchinbua hming ziaktu awm lova thuziak lo chhuak chu President Trump paihthlak thut tumna (coup) tiin, Democrat Senator Bernie Sanders, Vermont state leh amah thlawptute chu vau zuiin, “thuneihna inchan tum ang ngawt a ni lo vang” a ti.

Kum 1862 ah President Lincoln chu Commander-in-Chief a ni a, a Senior General George B. McClellan chuan, “President tlak lo” tiin paihthlak a duh a, chutih hun lai chuan General rualte chu Democrats deuh vek an ni. Mahse, Gen.McClellan chu dah sawnin President Lincoln chuan hnehna changin “Sal chhuah zalenna” a lo awm phah ta a ni.

President Trump chuan “Resistance” op-ed thuziaktu chu man chhuak turin Attorney General Jeff Sessions chu Zirtawpni khan thurawn a pe a ni. Mahse, US danah chutiang thil chu thil serious tak “criminal act” anga ngaih a ni lo a ni<Resistance tih article chungchang hi MSR ah post tawh a ni-CT>

Paul Ryan, House Speaker chuan, a ziaktu leh hmalatu chu hriat chhuah a la nih ngei a rinawm a ni, a ti. Thenkhatin Trump Admin a khawlbawl upa-fatu leaders zinga mi thiltih niin an ring a, Vice President Mike Pence chuan “Keima ziak a ni lo” a ti a, Secy of State Mike Pompeo lahin an puhna chu phain, “thil nuihzathlak tak a ni” a ti. Treasury Secy Steven Mnuchin te, Commerce Secy Wilber Ross leh Education Secy DeVos te pawhin an ziak leh tih a nih loh thu an sawi vek a ni@CT Lalrinawma, Mizo Special Report