Pu Za Thang thawnginn ihsin suaksal zo

Falam khawpi kauh ding thu Chinram cozah ih relmi parah duhlo ih dodalin duhphawrhnak neitu Laizo mipipawl hohatu bik a simi Pu Za Thang cu thla 1 sung thawngthlak dingin a thu an relmi cu tuisun (September 28) ah a suak zo.

 

Pu Za Thang ih thawngtlaknak thu cu hitin a si, 30 May 2018 sun ah Falam khawpi ih zapi tawnkhawmnak Town Hall ah Chinram Chief minister a rat lai ah, Laizo khua pawlin Capi kai in Falam khua kauh dingmi ah Falam vengah Laizo ben ding timi thu an duhlonak pholang in duhphawrhnak an rak nei.

 

Cumi ṭum ih an hotu tiah mawhphurh in Pu Za Thang cu Falam pengṭhen thuṭhen zungpi in September 6 ah khan (ၿငိမ္း၊စု၊စီဥပေဒပုဒ္မ(၁၉)) thawn thla 1 sung thawngthlak dingin a thuhla relcatsak a si ih, Kalamyo Intain lay thawnginn ah kuat a si. Pengṭhen Thuṭhennak zungpi in thla 1 thawngthlak dingih an relcatmi cu lungkimlo in Khazain thuṭhen zungpi ah an thuhla ken soh a si ih hnu ah Falam Khazain thuṭhen zung cun Ni 10 an ṭhum sak.