RIH KHAW DAR KHUA PAWL AN  TI-HNA A KAAN RUANGAH RIHLI TI AN KHAI

Chin ramkhul ih um Rih Khaw Dar khua pawl cu tidai an laknak ti-hna a kan ruangah rihli ti khai in an hmang a si tiah Tha Voice myanmar thuthang ca cun a phuang.

Rih Khaw Dar khua ih veng sarih pawl cu an khua ihsin peng10 hlatnak ah inding ti an lak ih cui an tilaknak ti-hna cu January thla thok hrawngin a kang thok ih,Inn khat ah kalan 10 tlem pungthum hrawnglawng nikhat sungah tidai an ngah thei a si ruangah tidai hman ding an daihawk nawnlo ih rihli ti khai in an hmannak a si.

Rih tili ah kan hman țul zat Bike thawn kan khai ih kan kholhawk duh le Rihli ti ah kan kholh awk tin Rih Khaw Dar veng(1) nak ih hotu cun a sim.

Rihli ti rak zoh tu mikhual pawl cu Rihli ti thawn kholhawk lo dingin kham asinan khawsungpawl tidai hmanding an neih nawnlo ruangah hivekin kolhawknak ih an hmannak a si.

India ramri ih um Rih Khaw Dar hi pi 3000 sannak tlangpar ih um an si ruangah tikhur laih a theih loih tlanglak ih um tiva hmang in inding ti lak in nuntu khawsa mi an si.

Țhal caan a kim tinten tidai lam harsatnak an neih ruangah Khaw sung mipi buainak hi khahsilh thei dingin an khua ihsin ahlatnak peng20 ah tidai in laksak hramuh tin Pi Suu Kyi an khua a rat lai khalah dilnak an rak nei ih,Cozah in hi an dilnak an kimsak thei ding khal Rih Khaw Dar pawl cun ruahsannak an nei a si.

Ref:The Voice