Salai Lung Thli Tum Timi Pa Hi Chin Miphun Ṭhendarhtu, Chin Miphun ih Ral Tumbik a si

England ram ih tlawng a kaimi amah le amah mifim bikih a ruatawtu Salai Lung Thli Tum hi kan Chin miphun le kan Chinram duhdawt taktak tu a si lo timi cu a cangannak ihsin a fiang zet. Chin miphun lungrualnak hrangih nasa takin a zuamtu CNDP, CPP le CLD pawl cu mai’ ṭanghma sialnak tel loin lungrual ten an komawk ih Party pakhat an din.

Kan Chin mipi kan lungawi in kan hna a ngam zet ti lai ah peng tlang dang huatnak lungput nei in le amah a Pu a simi Zo Bawi ṭannak men ah Chin Party hruaitupawl a soisel ciamco mi hi Chin miphun ṭhendarhnak suaktertu a si.

Lung Thli Tum nganmi “Chin mipi nih vote in thim taktakmi (mandate ngei) party um sehlaw aho poah nih cu party cu kan tanpi bak lai. Nain, atu CNLD kan tanpi lomi cu mipi caah zumh a tlak lem lomi minung (No Than Kap le Zo Zam bantuk) nih nan hruai caah a si.” Himi thu ah Chin mipi in Vote lakih an hrilmi Party tivek tuihlan khalah a um dahlo, tui hnu khalah a um dahlo dingmi thil a si. Cun bulpak thangsiatnak (personal attack) Pu No Than Kap le Pu Zo Zam cu nasa takin a simsiatmi hi Falam le Tedim (Halkha or Thantlang peng si lo peng dang) an si ruangah ah le Chinram ah Chin Party an tling ahcun a Pu Zo Bawi a tling lo ding ih a cikheng a hlo ding ti a phan ruangah a si.

Lung Thi Tum

Hivekin bulpak attack nak hminsal rorin a nganmi hi cu amah hrangah ṭihnung zetmi thil a si ih, Pu No Than Kap khalin siseh Pu Zo Zam khalin siseh te le fa an nei ko, sungkhat unau an nei ko, hivekin an sinak le an lungput, an nunnak (life) theifiang taktak loin a relsiatmi cu Lugn Thli Tum hrangah ṭihnung zetmi thil a si ih thil ṭhalo zet, cawn tlak lo zetmi thil a si. Mifim cun cawn a tlaklomi thil an tuah dahlo. Curuangah Lung Thli Tum hi mifim maw, mi-aa a si timi cu nan thei cih ko ding. Cituh rahseng timi hi kan pupa ṭongah a rak um, a tuh vekin a aat leh ko ding. Mifim in fim man ei cawklo, mi-aa in aat man kuan cawklo ti a si kha!.

Chinram le Chin miphun duhdawttu taktak a si loih ṭhekdarhtu Kawl pawlih tirhfung, NLD pawlih Ar cawngthai bangih thaikual menmi a si zia alangnak cu, Aung San zuklem Chin ramkulh ih ret ding thu ah Chinram cu Mizoram thawn a hi tahṭhim cuh… Cutlukih mi hrut lawmam cu… Mizoram cu anmahte rorel theinak an nei, anmahte CM hril theinak an nei, India miphun thawn bangran in covo an nei ve. Chin miphun cu Mizo thawn a tahṭhimmi hi cu hmel zoh khin nauhak kum 2, 3 mi hnapdawp hrawng khua ruahnak thawn an bangaw. Federal state le Ukbetmi state tahṭhim cu a ning a zaklo maw si?

Lung Thi Tum

Salai Lung Thli Tum hi mi dangin mifim le khawruahnak nei, thurawn tiih an ruahmi a si lemlo nan, amah le amah cu fimbik vekin a relaw. “Tulio Chin mino lakah rampi level lungrualnak (union spirit) a tuakmi kan tlawm, mah miphun tanh in miphun dang huatnak (racism, nationalism) karhter ai timmi kan tam.” A cangan mi zoh tikah amah cu mifim bik, rampi level ih thuruat theibik vekin a rel awk… “Mah le mah khaisang awtu cu nam thlak an si ding” timi a rak um kha..

Chin Party pathum pawl lungrual tein Chinram le Chin miphun zawnruat ruangah Party pakhat ah an komawk ih cumi tla dokalh in mah ṭanghma lawng a sial tu, mah sungkhat le mah hrang hlawknak lawng a ruattu Salai Lung Thli Tum vek kan Laimi lakah an rak um hi cu vanduai ci khat a si. Kan miphun ṭhendarhtu an si. Halkha, Thantlang lam ah Salai Lung Thli Tum vek mihrut deuh nan nei ih, Falam lei ah kan nei ve ko, Tedim lam khalah an neih zum a um…

 

Be the first to comment

Leave a Reply

Your email address will not be published.


*