Savom in Tlangval pakhat Besia zetin a keu

Naga ram Dhunghi pengih Ringkhu khua ih um, Tlangval kum 20 ih upa Suam Nuk cu November 19, 2018 ah vanduai thlak takin Savom in a keu ih, Savom ih keunak ruangah hliam nasa tak, bese zet tuar in a Hmai, a Mitmu le a Hnar pawl a siat ṭheh tiah thuthang theih a si.

Savom keu tuartu Tlangval Suam Nuk hi Kachin ram Myitkyina sizungpi ah tuamhlawm a si nan, Savom ih keunak hma a besiat tuk ruangah, Myitkyina sizung ihsin Yangon sizungpi lam ah ṭhawn a si ih, December 29 ah Yangon thlengin, January 2, 2019 ah Yangon sizungpi ah operation tuah in a ṭul dandan ih tuamhlawm a si thlang ding.

Tlangval Suam Nuk ih dinhmun hi tufang ah bom ṭul zetmi a si ih, ṭulsammi tetepawl a tam ruangah harsatnak an nei. Savom ih keumi Tlangval Suam Nuk hrangah hin mah le ti thei tawk cio ih bawm dingin zangfah an dil a si. A bawm duhtu hrangah, pehtlainak Phone: +959779630025.

Zalen, Photo: Naga Baptist Church, Yangon.