Sii Man Ding Ting 7 Leh Thong 2 Kan Nei Lo

Kan vansia bik ding hmang kan tih rero laiah kannih hnak ih vansia hi an rak um ve leh zel cu a sihhi. Mivek in lian lo khal sehla mi bawm țulloten kan um thei hi Pathian zangfahnak a si. Inn tha lo tha neilo in sin ding le fen ding tha nei lo khal sehla kan damnak hi sum tamtak man a si.

Yun Yun ( kum 9 ) tlawng phun 3 kai rero mi cu a thluak lam ah natnak phunkhat a ton ruangah tuah hin Mandalay Sizungpi ah an um. Sizung sungah cun free vek a sinan sizung sung ih umlo kha a damnak hrang a rak țul a si. Cu cu Acyclovir 250mg a si, acyclovir hi sizung ah a umloh ruang ah sidawr ta an lei ring ring a țul.

A thluak lam natnak damsal ding cun acyclovir 250mg 108 injection a țul, voikhat injection man ah ks 6500 a si, voi 108 injection ding cun 700, 200 MMK a țul tinak a si. Nauhak kum 9 mi, tlawng phun kai rero mi Yun Yun nun sannak dingah cun ting 7 leh thong 2 a țul ih, cu cu a nu le pa hrangah cun van ihta lak tumvek ah a cang ti a si.

ONE TO ONE” timi miharsa bawmtu pawl in hi thu an theih le veten a bawm theitu an hawl sak cih ve. October 8′ 2019″ ah Social Media lam ah hi thu hi an than cih ve a si. Bawm theitu kan umpang a sihle ONE TO ONE ih hnatuan rero mi Ko Wan ( 09765765179 ) ah theihter ding a si. Celeconnection

Be the first to comment

Leave a Reply

Your email address will not be published.


*