Thawngtla Mi 100 Lenglo In Phunhra Exam An Phi Ding

2018 – 2019 fimzir kum ih phunhra exam tuah ding mi ah thawngtla mipum 141 in an phi ve ding thu thawnginn lam tuanvo laknak zung ihsin theih a si.

Thawnginn lam tuanvo laknak zung ih hotu sang U Min Htun Soe cun “atu hi cu phunhra exam bik hi si ko, Insein ihsin mipa 69, nunau 3, Mandalay ihsin mipa 57, nunau 12, zate kom mipa 126, nunau 15, zate kom mipum 141 an si” tiah simnak a nei.

Phunsang tlawngkai khal mi 28 an um ih kum linak mipum 1, kum thumnak mipum 4, kum hnihnak mipum 8, kum khatnak mipum 15 an si tiah theih a si.

“Yangon le Mandalay lawng si ko, hmun dang ahcun a um lo, tahthimnak Tayawadi thawnginn tla cun phunhnih ihsin phunkua tiang ca zirhnak an nei. Phunhra an kai duh bet ahcun Insein ah an țhawn, Kawlram saklam a si ahcun Mandalay ah an țhawn” tiah U Min Htun Soe in a sim bet.

2017 – 2018 fimzir kum ah thawngtla mipum 41 in phunhra exam an rak tuah ih mipum 37 an ong suak ih mipum 16 in distinction an ngah tiah theih a si. Ref: PNJ