Thawngtla pawlin Thawngtla kiltu rapthlak zetin that Video

Rikers Island ih misual maksak taktakpawl an khumnak Thawnginn kiltu pate Lesandro Junior Guzman-Feliz cu thawnginn sungih thawngtlapawl a vehvai lai ah “Trinitarios gang” Thawngtla misual pawlin an thah. Hi thawngtlapawl an khumnak Rikers Island thawnginn hi Thawnginn sangka (doors) an ṭhalo ih ṭhiṭha in a khar-aw theilo ruangah Thawngtla misualpawl duhduh ih an suahvah theinak a si.

Thawnginn sungih Lesandro Junior thattu thawngtla misualpawl hi minung 14 an si ih cupawl lakah CCTV ih a record ngahmi hi kum 18 mi Manuel Rivera le kum 21 mi Tyreek Johnson an si. Hi misualpawl lakih nauhak bik khal an si. Thawngtla kiltu Lesandro Junior an thah lai Video zoh tikah a rapthlak zet.

Thawnginn sangka a ṭhatlo ruangah thawngtla misual pawlin Junior an thahnak thuhla ah Rikers Island thawnginn thuneitupawl cun Thawnginn sangka a ṭhatlo ruangah timi cu “a diklo” tiah an phat. CCTV record mi an zohsal nakah sangka ṭhatlo ruangah a si thu theih a si.

Thawngtla misualpawl in thawnginn kiltu Lesandro Junior an thah lai Video hi a hnuai lam ah tarlang a si ih, ṭihnung le rapthlak zet a si ruangah lungnat neimi pawl siseh, nauhak le nunau ṭih neimi pawl hrangah nan zohlo a ṭha. Tualthattu minung 14 pawl hi an zaten thawnginn dangah a hranten khum an si ih, December 21 ah an thuhla thuṭhennak sungin a rel thlang ding a si.

CCTV Record Video;

Video a lang theilo pang asile, zianghman langlomi parah hmet awla a ra langcih mei ding.