Thlarau a tla an ti, Ziang thlarau si pei?

Tulai san Christian pawlin kan Pathian nung kan biakdan hi zoh kirsal a va thupi lawmam em. Biaknak dang betupawl ih zohṭhim ding le cawntlak hman in um loin an ngamtlak ding zawngin le an zum theilo ding khawpin cangvaihnak a phunphun a um ṭheu. Jesu Khrih Van ih a kai hnu,  Penticost ah Thlarau thianghlim a tlakih an um vekin tulai san ah hin the Thlarau thianghlim hi a tla ṭheu a si pei maw? Culo asile ziang thlarau so a si pei?

Hi Video hi rak zoh hman uhla ziangtin so nan ruat? An hruaitu cun “Tlang hnuai ah um hlah uh, Tlang par ah kai uh” tiah ti. Cule “amen” an tiih an za an bawngih an lam ciamco. An hruaitupa cun thlarau a rung ṭum zo a si, tiah a au ih mipi pawl cu an caiciling ciamco, an ril, an thingawk ciamco, an za an bawngih an au ciamco.

An hruaitupa cun “thlarau a rung ṭum, phawp…phawp…phawp…phawp” tiah a au ih a kut cu mipi lam ah a hei hawi ih mipi pawl an tlu ciamco. Zial pangah an lawng an tal, an au ciamco ih hrekkhat pawl an za an bawng ciamco. Mi ṭhen an mitthli tla in an ṭap, an hruaitupa cun a kaa in awn-au a suah ih a au phutpho ciamco.

Pathian thangṭhatnak hlasak ruangah an lungawi in Pathian hnen ah an thinlung kekkuai in mitthli thawn thla an cam ti le a si fawn lo. Ruah ding tlak zet cu si, Thlarau Thianghlim Pathian ih cangvaihnak a si taktak pei maw? Pathian fate a ti-awtu pawl hin Pathian kan biakdan hi zohfiah sal a va ṭul awm ve.

Hi Video hi Kawl Facebook Group tum zet pakhat ih an post mi a si. Comment nakah siseuh zawng le hmuhsuam zawngih comment a tam. Ziang a si ti theilotu khal an rak tam ve. Hivekih an umnak hin Kawl pawl siseh zumlotu dang siseh an nunnak ah Khrih zum duhnak thinlung a neihter pei maw?

Video ah rak zoh aw le,

Atlun ih tarlangmi Video a lang theilo asile zianghman langlomi parah hmet awla a ra langcih mei ding.