Thlasikin USA A Nuai

Tun lai USA boruak chu vawt her her tak a ni. Chigago khawpui chuan kum 1994 hnu lama khaw vawt ber tum niin khawvawt lam -22 ani tawh a, an chhut dan chuan -56 a thleng mai thei an la ti zui. USA Map kan ena ni tlakna lam vela awmte chu pawna chhuah ngam pawh a ni lo, thlasik khaw vawtin seh tak têin mi a seh. În chhungah pawh Heater tel lo chuan khurh thlawk thlawk a ni mai. Vur tlang inch 6 vela chhah a awm nual.

Kan sawi fo Indianapolis pawh -17 a ni a, kan rama thlasik +4 vela khur tlek tlek ho teh kha eng tin tak awm hlawm ang maw!. Madison khua phei chu a vawt zual em em a, -28 a pha ta dawrh mai. Wisconsin state ah vur chhah inch 15 vela inphah chuan State of Emergency an puang nghe nghe. Hetiang khawvawtin a ken tel vurte avangin lirthei bakah thlawhna pawh tam tak cancel tawh a ni.

Thenkhatte sawi dan chuan khaw vawhna hmun North Pole a thlifim vawt (polar Vortex) chu kum tin rawn tleh thlain a tawn ram Canada leh USA velah khua a vawt chiam thin niin an sawi.

USA Today.