Tufang kan Chinmi lakih laar zet; Frederick El Rindika in dawi hmangih khawsia a dawi lai VIDEO

Tufang Mizo mi lakah siseh kan Chin mipi lak khalih laar zet Frederick El Rindika in andawi mi nupinu pakhat cu a sungih khawsia a dawisuak sak. Hi video zoh tikah mi a rap zet, nupinu hin a sungih khawsia a um le umlo hi a rak theiaw lo. Culawng siloin a sungih khawsia a dawisak lai ih a umdan pawl khal hi amah le mah a theiaw lo.

Frederick El Rindika hi Mizomi a si ih, tufang ah Mizoram sung lawng men silo Chinram tiang a thuhla a laar zetmi a si. Hnaset pawlin damnak an co ngah ih, ke zeng, kut zeng, hnaset, cancer, mitcaw le natnak phunphun siseh khawse pawlhmi tiangin damnak an co ngah a si. Kan dung naite ah khan Halkha ah a feh ih tubaite khalah Tahan lam a fangkual vivo.

A tlun ih tarlangmi damlopawl a tidam lai VIDEO khal zoh theih in a um, amai’ YouTube Channel iCapture Life timi ah tarlang an si. Cun amai’ Facebook Frederick El Rindika khalah zoh theih in a um. A mi tidam danpawl zoh tikah Pathian thilti theizia hi amaksak in theihthiam harsa khawp mei. Zum harsa zetzet tla an um ih, a mi tidam dan zoh ih sawisel tla mi pahnih khat an rak um ve.

Natnak neipawl, khawse pawlhmi le dawimi pawl cun damnak duh in hmun hla zetzet ihsin an pan nasa. Tuiṭum ih kan tarlangmi hi Tahan ih nupinu pakhat Kawl pa ih a dawimi a Frederick El Rindika in a suut sak lai, a sungih khawsia a dawisak lai a si. Hi Nupinu hi Mizo a si nan, a sungih khawsia in Kawl ṭongin a ṭong termi a si. Damnak a co ngah hnu ah a sungih khawsia a dawisak lai ih a umdan pawl hi amah le mah ziangtin a um timi a theiaw lo.

Video;

Video a lang theilo pang asile zianghman langlomi ah hmet awla a ra langcih mei ding.