Vawiina Ramchhung Chanchin Lar Zualte

1. Naupang Bo Ruang Hmu

Mingaladone Township-a ni 29 nia naupang kum 5 mi bo chu ruang chu nimin ni 30 chawhnu lamah an hmu a. He naupang ruang hi Mingaladone Township huam chhung, No 3 kawngpuia traffic point No. 12na leh sikul inkara tui luankawrah hnima chhilh hnan a ni. A lu-ah chhunna hliamhmaa awm a, a serh velah hliam a awm nual bawk niin an sawi.

Naupang pawisawi lo hetianga nunna hial châna an sawisa duh mai hi a pawi hle a ni.

2. Myit Sung Hydro Tihtawp Duh

Ram mipuite inlungrualna tichhe thei a nih avangin tuna sorkarin a en thlithlai nawn leh mêk Myit Sung (Irrawaddy lui insiam tannaa tuikhuah siam tumna project) hi chu tih tawp mai a that zawk thu President office a lo thawk tawh, tuna Amyotha Hluttaw palai ni mek U Soe Thein chuan a sawi.

He project hi lui infinnaa siam lovin Maykha leh Malihkha chhak lama a siam theih tho thu leh, chutianga a nih pawhin chuan hnuaia lamah Dam lian lutuk lo zawnga siam a theih tho tih a sawi a. Ramin a mamawh a siam a tul ta a nih chuan a ram mite tan compensation pawh pek ngei tur a nih thu a sawi bawk a ni.

3. Zunthlum Tehna Khawl Dik Lo

Zunthlum tehna khawl dik loh avanga damdawi inchawh a dik loh avangin Dr Ashin Za Wanna chuan Mandalay Damdawi in puia thuneitute leh khawl siama zuartute chung changah FIR a theh lut.
He Japan siam Terumo Glumeter hi la kir leh turin damdawi ina thawktute leh a zuar chhuaktu Junior Diamond Star (JDS) hnenah dilna an lo thlen tawh na a, engtin mah an tih loh avanga he thubuai hi siam ta a ni.

4. Hluttaw ah NLD Chak, Vote Dikloah Sipaiin Puh

NLD kaihhruai Hluttaw chhunga dan tiddanglam tumna thu kal zelah dan tihdanglam chung changa 75% chuang remtihna tul chung sia hneha an awm ta chu thil ni thei lo, thil dik lo a awm vang a ni tiin sipai lam palaite chuan an sawi.

NLD lamin 2008 Dan Bulpui siam tha tura committee din thu an put luh chu vote lain an phar thlu ta a ni. Sipai lam palaite chuan kal dan phung pangai a nih loh avangin vote hmanga tihfel chi pawh a ni lo tiin an sawi.