Victoria Case Dinpituin Hronak A Tong Ta

Kawlram sungih hot news si ring ring lai, Victoria tiih hmin an bun sak mi, nauhak nu te sualpi thubuai cu tu tiang ah sual a tuahtu bik hi zo a si ti an hmu suak thei hrih lo. A ram pumpi in nauhak sualpi an duh lo zia, khawpi tinah duhphorhnak an tuah ciam co a si kha. A si dan takah cun, Victoria nunau nu te kha an va lainat le, an va zawnruah tuk phenah khan kum kim lo nauhak sualpi ti mi, kan ram ih a tam tuk le cozah in hremnak a pek dan hi mipi an lung a awi thei nawn lo a si bik.

Cui hleiah, hi Victoria case ah hin sual a tuahtu cu midang pi, sual tuah ih an puh cu mi dang pi siin thil a um. Mipi lam cun case zingzoi tu pawlin sual tuahtu siih an puh, driver Ko Aung Kyi cu tisualtu a si an zum thei lo. Cui ruangah, case a feh rero lai ih, tu nai teah thu thar tak a hung um. Cu cu hi tiin a si.

Victoria case cu a ziang ti zawng khalih zingzoi a har tuk ruangah, a voi 6nak zung an fehnak ah cun nauhak nu teih um dan zuk zoh in caan an hmang ih, cu cu Video conferencing system an ti cu a si. An vedio ah cun Victoria nu te, thu a rel thei laiih a ṭongkam pawl an ngai, an zoh. Sual ih an puh driver Ko Aung Kyi hrangih dinsaktu U Khin Mawng Zaw cun a nunnak in a tuar ding tiah hronak a tong ta riai. Hi thu hi amah U Khin Maung Zaw roriin a relmi a si.

Victoria case thawi pehpar aw in hronak a tawn thu, cu vekin hronak tong kha sehla a ti ding cu ti a tum tho tho thu, driver Ko Aung Kyi a luatnak ding le sual a tuahtu bik kaih ngah a si theinak ding, ziang ti zawng takin so Ko Aung Kyi hi sual tuahtu vekih an lang ter ti pawl, lamzin 3 in a fehpi tum thu a rel.

Cu lawng si loin a tuanpi pawl tlain hronak an tawn thu a rel ih, tu ih sual tuahtu ih an puh mi Ko Aung Kyi cu suah tahratin, thil sual tuah ngai ngaitu kai suak si lo ih um a duh lo thu tla a rel. A hmaisa bikah cun Ko Aung Kyi thawng in ihsi a suah phawt a tul ih cui hnuah thil dang hi tawlrel peh ding a si, a ti. A voi 7 nak hrang zung lamin an kawh sal ding hi September 25 ni a si ding thu theih a si.

Ref: BBC, ETS TIME

Be the first to comment

Leave a Reply

Your email address will not be published.


*