Video thaw rorin ka hmuh hnu lawngah ka zum; VIDEO

Bangladesh ram ih public transport a simi Tlangleng totu an tam zia le ṭihnun zia hi tuihlan ah Zuk thaw cun ka rak hmu ṭheu ih thuthang ah tla ka rak siar ṭheu nan, a taktak ah ka ruat lemlo. Lemcannak khawvel a si bangin an tuahcawp si ke ka rak ti ṭheu men. Asinan hi Video ka vun zoh cu ka lau rori, Tlangleng totu passenger pawl an tam tukih Tlangleng hman a lang ceute.

 

Bangladesh hi India ram nisuahnak lam ih um a si ih, South Asia sungih um a si. Annih hi an ram a harsa ve ih ramsung mipi tamtak ramleng ah kuli hlawh in vakvaimi an si ve. Mizoram khalah minung tam zet hnaṭuan in an um, zin tuah, lettama ṭuan tivekin a phunphun in hlawhfa in an vakvai. Cuvek thotho in Malaysia khalah tam tak an si, an phul sohso.

Kum 2016 lai ih World Bank ih simnak vek asile Mipum 163 million an um. An Official Ṭong hmanmi cu Bengali a si ih an khawpi cu Dhaka a si. Biaknak lam ah, 2011 lai ih simnak vekin, 90% cu Muslim an si ih, 8.5% cu Hindu an si, 1.5 % cu biaknak dangdang an si ve thung.

 

Hi Video hin leitlun mipi a thlirtu thinlung a ti danglam zetih, VIDEO hnuai ih comment mi tete siar tikah hnihsuak za zetzet tla a um. Tlangleng parah minung khat hmerhmer rorin an to lai a si ih, tlangleng cak deuh ih a vung tlan ahcun tak tla a za phah.

 

Ahnuai ih VIDEO hi rak zoh ve aw;