WA pawlin Christian pawl nekrawk sinsin

Kawlram miphun ralthuam kai lakih tumbik le cakbik United Wa State Army ih uk mi Special Zone (2) ih Khristianpawl cu tiduhdahnak le nekcepnak nasa tak an tuar thu hmuh a si. Tu ah Biakinn 52 an kharsak ih 3 an tisiatsak. Khristian hminsinnakpawl an thianfai, mi 92 an kai. Lahu Bible tlawng an kharsak hleiah Bible tlawngta mi 41 cu UWSA ralkap dingah an hruai ti a si. Zumtupawl thlacamsak uh law…

 

Acozah sual takih kan ruah thlaktu hi a aiih sual an si duh zet. Iraq ah Saddam cu a rak sual zet nan Tlangparmi le Muslim si lo pawlin zalen zetin Pathian an rak be thei. Asinan cozah tharah cu cupawl cu nekcep an hlawh nasa. Syria khal tu ih hel pawl cu Muslim mifirfiak hlir an si. Thuneihnak co sehla tu ih Khristian le mi malsawn pawl zalennak cu a hlo cih ding.

Photo: Lahu Baptist Convention thusuah a si.

Wa uk ramah hin mi 600000 lenglo an um ih fulltime ralkap 30000 lenglo an nei. Reserved pawl thawn 700000 hrawng nei ih ruah an si. Wa pawl hi Communist China tidan zir le thluntu an si ruangah hiti an cangvaihnak a si.

 

Himi Thuthang hi, Jed Zuala Cawnghlut ih Facebook Wall post laksawngmi a si.