Yangon khawpi ih Lan-San Hotel hmai ah Motor in minung a pah lai VIDEO

Kan-Na lamzin ih Lan-San Hotel hmai ah mikhual pawl le mi veivakpawl phurh ding bawh/hngak ih a dingmi Saih-Ka (thirleng ke 3 nei) le putar le nauhak lamzin ih feh rero lai cu rinlopi in mawṭaw in a pah ih Saih-Ka mawngtu pahnih cu bese zetin hriam an tuar. Nauhak le putar cu cangvai thei in an um.

Hi thilcan dan Video zoh tikah mi a rap zetih ṭihnung zet a si. Saih-Ka mawngtu minung pahnih an be aw rero lai, nauhak le putar (pacang) khal lamzin sir ah an feh rero lai, saih-ka umnak lam an pan rero lai ah cak zetin mawṭaw pakhat a ra tlan, putar le nauhak cun an rak kian ih zinkap an pan, cu laifang ah ruahbanlopin mawṭaw dang pakhat in a run pah ih saih-ka mawngtu minung pahnih siseh, putar le nauhak khal a run hruut ciamco.

Mawṭaw ih pahmi Saih-Ka mawngtu minung pahnih hi an thih le nun hliah lo a si ih, putar le nauhak cu an nung, nauhak pate cun putar or a pa cu ava kai tho tum nan, a khawngawk na deuh si ding, a tho thei mei loih cutin a umhmun ah a to. Mawṭaw in a pah lai Video hi Lan-San hotel ih CCTV in a rak record ngahmi a si. Lamzinpi kaan can ah siseh, lamzin sir ih feh can ah siseh ralrin a thupi tuk, kiangkap keh le vorh zoh phah a ṭul.

Mawṭaw in a pah lai Video;

Video a lang theilo pang asile, zianghman langlomi parah hmet awla a langcih mei ding.