Zangfakza Naute in Cawpi pawh a cawp lai Video in Leitlun mipi mithli a tla ter

Tufang Online Social mediar parih a laar zetmi African naute pakhat cu a Pa in cawpi pawh a fawp ter ih a Nui’ pawhte vek rorin a zuuk ṭetṭo lai Video hin leitlun mipi mithli a tlak ter ṭheh. Video ih alang dan ahcun naute cu a Pa in cawpi pawh a cawp ter ih, malte hnu ah a phawngsal cule naute cu a ṭap. Himi fang hi mipi thinlung khawihtu bik a si.

Zo khalih theih thluh cio a si bangin Africa ram hi rilrawng tihal tamnak, farah zawnzai tamnak a si. Africa mipi a tamsawn hi ti-rawl thiangfai le ei-in ṭha ei ding, in ding neilo an si ih, hipawl ruangah naute/haunak kum 5 hnuai ziang maw zat nitin an thi ṭheu. Nu in ti-rawl khawpkham ei-in ding a neih lo tikah fate hrangah pawhte fawp ding a um lo, cutik ah naute cu natnak a phunphun in a tuam, cutin an thimi an tam.

Hi ti-rawl, ei-in ding harsatnak ruangah rilrawl tihal in an um ih natnak a phunphun an tong, ahleice in nauhak/naute pawl an si. Natnak tambik cu measles (ဝက္သက္ေရာဂါ။), malaria le cholera (ကာလဝမ္းေရာဂါ။) natnak pawl an si. Hivek natnak pawl hi ṭihnung zet khal an si fawn.

Hi ahnuai ih kan tarlangmi Video khal hi, ei-in harsatnak ruangah, Nu in pawhte ti a neihlo raungah a fate in pawhte fawp ding a neilo ih an mangbangin a Pa in cawpi pawh a fawpter lai a si. Naute in cawpi pawh a fawp lai zoh rero tikah lainat a um tuk, mitthli a tla, khawruah a ti tam, leitlun ah hivek mi harsa rethei an rak um tampi ve.

Video;

Atlun ih tarlangmi Video a lang theilo pang asile zianghman langlomi parah hmet law a ra langcih mei ding.